銅鑼灣白沙道6號地舖
太平館餐廳創辦人徐老高先生，原在廣州沙面一外國洋行當廚師，善烹西菜，他離開洋行後自行在街上肩挑販賣，因他創造了中西合壁的烹調方式，食品大受顧客歡迎，徐老高在一八六零年（清咸豐十年）在廣州一處名為太平沙的地方置業開舖，因地取名，首次掛出「太平館」的招牌，亦成為了中國第一家中國人自己開的西餐廳。徐老高特製的燒乳鴿、煙鯧魚及精製的葡國雞而名聞南粵，而徐氏後人所創製之瑞士汁亦成為膾炙人口的經典美食。歷史名人如孫中山、周恩來、蔣介石、魯迅等亦曾是座上客。一九三八年，徐氏後人在香港首次開設「太平館」，更成為「港式西餐」的始祖，在香港飲食文化歷史上佔有重要的地位。目前香港太平館仍由徐氏家族經營管理。
作為老字號西餐廳，很多人都喜歡在那暗淡的燈光下歎番個靚扒餐。招牌菜是焗梳乎厘及瑞士雞翼。瑞士雞翼汁甜得來唔滯，食過你必讚不絕口。
fungfung.net 介紹呢度係因為好鍾意佢哋體貼嘅服務，好少見喺香港有茶餐廳可以有呢啲咁好嘅服務！而且佢哋嘅食物質素真係好好，瑞士雞翼十分好食、乾炒牛河亦都好出色！價錢以有咁嘅服務嚟講亦唔算好貴！
雖然呢度歷史悠久，但其實細個我冇食過，反而我成日去隔幾條街嘅金雀餐廳，還記得當年金雀餐廳我好鍾意食佢嘅啫哩，而家金雀就冇咗啦，反而畀我發現咗呢度，繼續欣賞香港特色嘅西餐廳！
